වැහි වැටෙනවා ද නැද්ද? කපුටු සාස්තරේ………………..

ලංකාවේ වියළි කලාපයේ ජනයා අතර මේ වැසි අනාවැකි බැලීම තිබෙනවා…

බිනර මාසේ….ඒ කිව්වේ ආසන්න වශයෙන් සැප්තැම්බර් මාසේ වැහි අඳුර ඇති වෙන්න කලින් කාක්කී බිජු දාලා පැටවුන් හදනවා. ජනප්‍රවාදයේ තියනවා වැහි අඳුර එනතුරු හිටියොත් පැටව් තව කළු වෙයි කියලා ලු එහෙම කරන්නේ.

කාක්කී එක් පැටියෙක් හැදුවොත් වැහි ලැබෙන්නේ නෑ කියලා විශ්වාසයක් තියනවා.

පැටවු දෙන්නෙක් නම් වැහි ලැබෙනවාලු ටිකක්…

වැහි හොඳට ම ලැබෙන්නේ පැටවු තුන්දෙනෙක් නම් ලු…………..

කාක්කී එහෙම කරන්නේ කෑම හිඟ වියහැකි නිසා කියලා ජනයා විශ්වාස කරනවා.

කපුටා කියන්නේ කොයි තරම් කෑවත් බඩගිනි නැතිවෙන්නේ නැති සතෙක් කියනවානේ.

කෑම ම හොයනවා කොච්චරවාත්.

ඉතිං පැටව් ගොඩක් හදාගත්තොත් කෑමත් ගොඩක් ඕනා.

ඒත් වැස්ස අඩු නම් ගොවිතැන් නිසරු වෙලා ආහාර හිඟ වෙන නිසා වැස්ස වැටෙන ප්‍රමාණය අනුව පැටවු අඩු වැඩි කරනවා කියලා ගැමි විශ්වාසයක් තියනවා.

දැන් ප්‍රශ්නයක් ඇති කාක්කී දන්නේ කොහොම ද කියලා වැස්ස අඩු වෙනවා ද වැඩි වෙනවා ද කියලා….

ඔව්…සත්තු මිනිස්සුන්ට වඩා පරිසරයට සංවේදීයි.

එයාලා අපිට වඩා ඒ ගැන දන්නවා

අපි ඒ ගැනත් මීළඟ කලාපෙක කතා කරමු.