සමුද්‍රගුප්තගේ ව්‍යාප්තිවාදි ප්‍රතිපත්තිය ඔහු කෙතෙක් දුරට යුදකාමියකු ලෙස සැලකිය හැකි ද?

සමුද්‍රගුප්තගේ ව්‍යාප්තිවාදි ප්‍රතිපත්තිය ඔහු කෙතෙක් දුරට යුදකාමියකු ලෙස සැලකිය හැකිදැයි පරීක්ෂා කරන්න.

• පළමුවන චන්ද්‍රගුප්තගේ හා ලිච්ඡවි වංශික කුමාරදේවියගේ සමුද්‍රගුප්ත පාඨලීපුත්‍රය මුල් කරගෙන ගුප්ත අධිරාජ්‍ය ගොඩනැගීම.
• සමුද්‍රගුප්තගේ ව්‍යාප්තිවාදි ප්‍රතිපත්තියේදී දිග්විජය ප්‍රතිපත්තිය අනුගමනය කිරීම.

අධිරාජ්‍ය ව්‍යාප්තියට මුල් වූ යුධමය ක්‍රියාමාර්ග

• ආර්යාවර්තය ජය ගැනීම.

මෙහිදී නාගසේන, අච්‍යුත නාග, අච්‍යුත, චන්ද්‍ර වර්මන්, රුද්‍ර දේව, මතිලා, නාග දත්ත, නන්දින්, බලවර්මන් යන රජවරු 9 දෙනා පරාජය කොට එම රාජ්‍ය ඈදා ගැනීම.

• අටවික රාජ්‍යය යටත් කිරීම.

මධ්‍යම ඉන්දියාව එනම් වින්ධ්‍යා කඳුවැටිය ආශ්‍රිත ප්‍රදේශ වල රාජ්‍යයන්හි රජවරුන් පරාජයට පත් කොට ඔවුන්ගේ යටත් භාවය පමණක් ලබා ගැනීම.

• දක්ෂිණාපථ රාජ්‍යයන් ආක්‍රමණ.

දක්ෂිණාපථ රාජ්‍ය යටත් කොට ඒවායේ පාලකයන් අල්ලා ගත් අතර ඔවුන් රජුගේ ආධිපත්‍ය පිළිගත් යටත් පාලකයන් ලෙස නැවතත් එම රාජ්‍යවල පිහිටු වීම. (කෝසලයේ මහේන්ද්‍ර, මහා කාන්තාරයේ ව්‍යාඝ්‍ර රාජ, කෞරාලයේ මන්ත්‍ර රාජ, පිෂ්ඨපුරයේ මහේන්ද්‍ර, කොටූරයේ ස්වාමිදත්ත, එරණ්ඩ පල්ලයේ දමන, කාංචියේ විෂ්ණු ගෝප, අවතයේ නීල රාජ, වංගියේ හස්ථිවර්මන්, පල්ලක්කයේ උග්‍ර සේන, දේවරාෂ්ට්‍රයේ කුබේර, කුෂ්තලපුරයේ ධනංජය).

• ප්‍රත්‍යන්ත රාජ්‍ය යටත් කිරීම.

සමතට (බෙංගාලය අවට), දවාක (ඇසෑම් ප්‍රදේශ), නේපාලය, කාම රූප (ඉහළ ඇසෑමය), කත්‍රිපුර (ජලන්දාර්)

• ඝණ රාජ්‍ය යටත් කිරීම.

කාක ඝණ රාජ්‍ය නවයක් යටත් කරගෙන තිබේ. (මාලව, ආර්ජුනායන, යෞධෙය, මදුක, ආභීර, ප්‍රාර්ජුන, ඝනකාහික,, ඛර පරික)

• ප්‍රත්‍යන්ත රාජ්‍ය හා ඝණ රාජ්‍යවල පාලකයෝ බදු ගෙවීම, ගුප්ත රාජ්‍යයේ නියෝග පිළිපැදීම හා තෑගි භෝග හා විවිධ දැකුම් සමඟ රජු බැහැදැක යටත් බව ප්‍රකාශ කිරීම මගින් රජුගේ ආධිපත්‍යය පිළිගෙන ඇත.

දිග්විජය අවසානයේ අශ්වමේධ යාග දෙකක් පැවැත්වීමෙන් ද සමුද්‍රගුප්තගේ අධිරාජ්‍ය ව්‍යාප්තිය යුධමය කාර්යයක් බව පැහැදිලි ය.

මූලාශ්‍රය සපයන තොරතුරු අනුව සමුද්‍රගුප්ත යුද්ධ කර විශාල ප්‍රදේශයක් අල්ලා ගැනීමට සමත් වී ඇති බව පෙන්නුම් කෙරෙන අතර වෙනත් තොරතුරු පිළිබඳ විස්තර අල්පය.