ඉන්දු නිම්න ශිෂ්ටාචාරයේ පරිහානිය හා බිඳ වැටීම

ඉන්දු නිම්න ශිෂ්ටාචාරයේ පරිහානිය හා බිඳ වැටීම

බිඳවැටීම සම්බන්ධ මත කීපයක් දක්නට ලැබේ.

• ක්‍රමික පරිහානියක් සිදු වූ බව
• ජනගහනය වර්ධනය වීමත් සමඟ ජිවන තත්ත්වය පහත වැටීම, පාලනය දුර්වල වීම නිසා ශිෂ්ටාචාරය ක්‍රම ක්‍රමයෙන් පරිහානියට පත් වූ බව.
• ජල ගැලීම් නිසා බිඳ වැටුණු බව.
  • ඒ. වී. ෂර්මා, මෝටිමර් වීලර්, ජෝන් මාෂල් මේ අදහස දැරු අය අතර වේ.
• ඉන්දු නදිය නිරන්තර පිටාර ගැලීම ශිෂ්ටාචාරය පරිහානි අවස්ථාව වන විට ඔරොත්තු නොදීම ශිෂ්ටාචාරයේ බිඳවැටීමට හේතු වූ බව.
  • ඉන්දු නදිය දෙපස විශාල ප්‍රාකාර තනා තිබු බවට සාධක තිබීම.
  • ස්ථර අතර රොන් මඩ තැන්පත්ව තිබීම හා රාවී ගංගාවේ ගමන් මාර්ගය වෙනස්වීම නිරන්තර ජල ගැලීම්වලට මුහුණ පෑ බවට ඇති සාධක අතර වේ.
• හදිසි ගින්නකින් ශිෂ්ටාචාරය බිඳ වැටුණු බව.
  • ගොඩනැගිලි නටබුන්වල ඇතැම් ගොඩනැගිලි ගින්නකින් විනාශ වූ බවට සාධක දක්නට ලැබීම.
• දේශගුණික වෙනස්වීම්.
  • දැවන්ත ශිෂ්ටාචාරයක පරිහරණය සඳහා දැව භාවිතය අධිකව සිදුවීම. ගඩොල් පිළිස්සීම සඳහා දැව භාවිතා කිරීම ආදිය නිසා වන විනාශය සිදුවීම පරිසරයේ සමතුළිත බව වෙනස්වීම හා ගංගාවල ගමන් මාර්ග වෙනස්වීම ආදිය නිසා දේශගුණික විපර්යාසයක් ඇති වීම.
• වසංගත රෝග පැතිරීම.
  • පරිසරයේ වෙනස්වීම් ආදිය නිසාත් ජලගැලීම් නිසාත් වසංගත රෝග පැතිර යාම නිසා මේ ප්‍රදේශ අත්හැර යාමට පෙළඹෙන්නට ඇති බව.
• සතුරු ආක්‍රමණයකින් විනාශ වූ බව.
  • ප්‍රහාරයකින් මිය ගිය බව සැලකිය හැකි පුද්ගලයන්ගේ ඇටසැකිලි හමු වීම. නිවෙස් තුළ, මාර්ගවල ඇතුළු ස්ථාන කීපයකින්ම කැපුම් කෙටුම්වලට ලක් වූවන්ගේ ඇට සැකිලි හමු වීම.