බීජ සුප්තතාව ඉවත් කරන විවිධ ක්‍රම

බීජ සුප්තතාව ඉවත් කරන විවිධ ක්‍රම විස්තර කරන්න.

බීජ සුප්තතාවය යනු, පරිණත, සජීවී බීජයකට ප්‍රරෝහණයට අවශ්‍ය තෙතමනය, උෂ්ණත්වය,ඔක්සිජන් වැනි සාධක ප්‍රශස්තව ලබා දුන්නද බීජ ප්‍රරෝහණය නොවීමයි.                                                      

1.බීජාවරණය ඉවත් කිරීම හෝ කැපීම

• ඝනකම් බීජාවරණ පවතින බීජවල බීජාවරණය කැපීම හෝ ඉවත් කිරීම මඟින් බාධක ඉවත් වීම නිසා ප්‍රරෝහණය වේ.

උදා:    බීජාවරණ ඉවත් කිරීම – අඹ

බීජාවරණය පිපිරවීම කරවිල

2. බීජාවරණය පිළිස්සීම

• බීජවල ඝණකම් බීජාවරණය මද වශයෙන් පිලිස්සීමෙන් ජලයට පාරගම්‍ය වී බීජ ප්‍රරෝහණය වේ.

උදා: තේක්ක, ලුණු මිදෙල්ල

3.බීජාවරණය සිරීම

• දිලිසෙන බීජාවරණ ඇති බීජ වල බීජාවරණය වැලි කඩදාසියකින් සීරීමෙන් දිලිසෙන ස්වභාවය ඉවත් වී ජලයට, වාතයට පාරගම්‍ය වේ. එයින් බීජ ප්‍රරෝහණය වේ.

උදා : දඹල, සියඹලා

4.වැඩි උෂ්ණත්වයක තැබීම හෝ උෂ්ණත්වය වෙනස් කිරීම

• සමහර බීජ මාරුවෙන් මාරුවට අඩු හෝ වැඩි උෂ්ණත්වවලට භාජනය කිරීමෙන් සුප්තතාව ඉවත් කළ හැකිය.

උදා: ඉපිල් ඉපිල්

5.උණු ජල ප්‍රතිකාර කිරීම

• බීජ උණු ජලයේ ගිල්වීමෙන් සුප්තතාව ඉවත් කළ හැකිය.

උදා : ඉපිල් ඉපිල්, ඇහැළ

6. නිශේධක ද්‍රව්‍ය සෝදා ඉවත් කිරීම

• බීජාවරණයේ නිශේධක රසායනික ද්‍රව්‍ය පවතින විට ඒවා අළු හෝ වැලි සමග මිශ්‍රකර සෝදා හැරීම

උදා : තක්කාලි, ඇන්තූරියම්, ගස්ලබු

7. ස්තරීභවනය

• බීජ සහ තෙත වැලි ස්ථර ලෙස ගබඩා කර තැබීම.

උදා: රාබු, සලාද

8. ආලෝකය ලබා දීම

• බීජ වලට රතු ආලෝකය ලබා දීමෙන් ප්‍රරෝහණය උත්තේජනය කරගත හැකිය.

උදා: සලාද