මෝගල් හා රාජ්පුට් සම්ප්‍රදායන් අතර දක්නට ලැබෙන සමාන අසමානකම්

මෝගල් හා රාජ්පුට් සම්ප්‍රදායන් අතර දක්නට ලැබෙන සමාන අසමානකම් උදාහරණ සහිතව විස්තර කරන්න.

• මෝගල් චිත්‍රවලට වස්තු විෂය වූයේ මෝගල් රජ පවුලේ සිද්ධීන් ය.
• මෝගල් ශිල්පියා අතින් රජ පවුලේ හා ප්‍රභූන්ගේ උඩුකය පිළිරූ නිර්මාණය බෙහෙවින් සිදු වී ඇත.
• සාමාන්‍ය ජන ජීවිතය මෝගල් වස්තු විෂයට ලක් නොවීය.
• රජ පවුලේ සිද්ධි රජු ප්‍රිය කරන දඩයම් දර්ශන හා ස්වභාවික දර්ශන ද මෝගල් චිත්‍රවලට වස්තු විෂය විය.
• විවිධ සතුන් සහ විවිධ පක්‍ෂීන් මහත් අභිරුචියෙන් ඇඳ ඇත.
• මෝගල් චිත්‍ර කලාව බිහිවූයේ ඉස්ලාම් භක්තිකයන් අතිනි.
• රාජ්පුට් ශිල්පියා මෝගල් ශිල්පියාට වඩා පුලුල් වූ වස්තු විෂයක් යටතේ චිත්‍ර ඇඳ ඇත.
• හින්දු සාහිත්‍යය පදනම්කරගත් ශෘංගාරාත්මක පුවත් ගැමි ජීව්තය, ආදරය, ප්‍රේමය වැනි සංකල්ප රාජ්පුට් වස්තු විෂයට අයත් විය. රාගමාලා නමින් ගැනෙන චිත්‍ර ද මේ අතර වේ. රාජ්පුට් කලාව පෝෂණය වූයේ හින්දුකලා සම්ප්‍රදායක් ලෙසට ය.
• ව්ශේෂයෙන් ඔවුන්ගේ තේමාව වූයේ හින්දු සාහිත්‍ය කෘතීන් සඳහා සන්නිදර්ශන චිත්‍ර නිර්මාණය කිරීම ය.
• රාජ්පුට් කලාව බිහිවූයේ හින්දු ශිල්පීන් අතිනි.
• ශෘංගාරය මුල් වූ සාහිත්‍ය කෘති තුළ රාධා සහ ක්‍රිෂ්ණා ශිව පාර්වති ප්‍රධාන චරිත වී ඇත. රාජ්පුට් ශිල්පියා ගවයා වැනි සතුන් පූජනීයත්වයෙන් සලකා ඇත.
• රාජ්පුට් චිත්‍ර අතර ශෛලිගත ලක්‍ෂණ නිරුපිත සිතුවම් රැසක් දක්නට ඇත. මේවා අතුරින් බිල්හානා සහ චම්පාවතී මෙන්ම රාධාගේ උඩුකය චිත්‍රය වැදගත් ය.
• රාජ්පුට් කලාව වර්ධනය වූයේ මෝගල් චිත්‍ර කලාවේ මූලික ලක්‍ෂණ ගුරුකොට ගනිමිනි.
• මෙහි ප්‍රධාන වෙනස ලෙස දක්නට ඇත්තේ මෝගල් කලාවේ ඉස්ලාමීය භක්තිකයන්ගේ මූලාදර්ශයන් පදනම් කොටගෙන බිහි වුව ද ඉන් බිඳිගිය රාජ්පුට් කලාව බිහි වී ඇත්තේ හින්දු භක්තිකයන් අතිනි.
• මුල දී මෝගල් චිත්‍රකලා මධ්‍යස්ථාන තුළ සේවය කළ හින්දු භක්තිකයෝ ඉන් මිදී රාජ්පුට් කලාව ආරම්භ කළෝ ය.
• රාජ්පුට් කලා සම්ප්‍රදාය තුල ද චිත්‍රයේ ආකෘතියෙහි දක්නට ඇත්තේ මෝගල් ලක්‍ෂණයන් ය.
• ඔවුන්ගේ නිර්මාණකරණයට පාදක වූයේ මෝගල් කලා නිර්මාණයන්ගෙන් ගත් අත්දැකීම් ය.
• තේමා හා සංකල්ප අතින් ඉස්ලාමීය දහමේ සම්මතයන්ගෙන් මිදී හින්දු ආගමික අවශ්‍යතාවයන්ට හා හින්දු සාහිත්‍යයෙන් මූලාදර්ශයන් මත වර්ධනය වීම මෙහි ඇති විශේෂත්වයයි.