අජන්තා
මධ්‍යම ඉන්දියාවේ හයිද්‍රබාද් ප්‍රදේශයේ පිහිටි අජන්තාව ගුහා 29 කින් සමන්විත ලෙන් සංකීර්ණයකි. පොළව මට්ටමේ සිට අඩි 300ක් පමණ උස් වූ ද අශ්ව ලාඩමක හැඩය ගත්තා...
Encyclopedia
ශ්‍රී ලංකාවේ 1978 ආණ්ඩුක්‍රම ව්‍යවස්ථාව යටතේ මූලික අයිතිවාසිකම්‌ ආරක්ෂා කිරීම අරබයා අධිකරණයේ භූමිකාව පැහැදිලි කරන්න.
මෙම ප්‍රශ්නයේ ප්‍රධාන ක්‍රියා පදය වන්නේ “පැහැදිලි කරන්න ” යන්නයි. යමක්‌ පැහැදිලි කිරීමේදී ශිෂ්‍යයෙකුට තම දැනුම, කුසලතා සහ ආකල්ප පෙන්විය හැක. මේ අනුව මෙය දැනුම සහ සන්දර්භය විශ්ලේෂණය කිරීමට සහ අගයයන්‌ යෝජනා කිරිමට ඇති හැකියාව පරීක්ෂා කරන ප්‍රශ්නයකි.
අයිතීන්‌ මූලික කරගත්‌ දේශපාලන සංස්කෘතියක්‌ සංවර්ධනය කිරීම අරබයා අධිකරණයේ භූමිකාව වැදගත්‌ වන්නේ මන්ද යන්න පිළිබඳ කෙටි හැඳින්වීමකින්‌ අපේක්ෂකයාට පිළිතුර ආරම්භ කළ හැකිය (කෙසේ වෙතත්‌,හැඳින්වීමක්‌ ලිවීම සඳහා පරමාදර්ශ ආකෘතියක්‌ අපේක්ෂා නොකරන ලෙස පරීක්ෂකයින්ට උපදෙස්‌ දෙනු ලැබේ).
ප්‍රජාතන්ත්‍රවාදී රටවල, ආණ්ඩුව සහ සෙසු දේශපාලන ආයතන අතර මූලික දේශපාලන සම්මුති ආරක්ෂා කිරීම පිණිස මූලධාර්මික තීරණවලට එළැඹිය හැකි පරිසරයක්‌ නිර්මාණයෙහි ලා අධිකරණය මූලික වන බව පැහැදිලි වේ.
හැඳින්වීමේදී, අපේක්ෂකයාට 1978 ආණ්ඩුක්‍රම ව්‍යවස්ථාවේ විශේෂිත ලක්ෂණයක්‌ ලෙස මූලික අයිතිවාසිකම්‌ කඩ වූ විට ගත හැකි නීතිමය ප්‍රතිකර්ම ඇතුලත්‌ කිරීම සැලකෙන බව සඳහන්‌ කළ හැකිය.
අන්තර්ගතය-
1972 ආණ්ඩුක්‍රම ව්‍යවස්ථාවේදී, මෙන්‌ නොව 1978 ආණ්ඩුක්‍රම ව්‍යවස්ථාවේ, 126 වැනි ව්‍යවස්ථාව හරහා මූලික අයිතිවාසිකම්‌ ආරක්ෂා කිරීම සඳහා නීතිමය ක්‍රියා පටිපාටියක්‌ සකස්‌ කර ඇත.
ආණ්ඩුක්‍රම ව්‍යවස්ථාවේ ප්‍රතිපාදනවලට අනුව මූලික අයිතිවාසිකම්‌ කඩවීම්‌ පිළිබඳ නඩු විභාග කළ හැකි එකම සහ ප්‍රාථමික අධිකරණය ශ්‍රේෂ්ඨාධිකරණයයි. පුරවැසියෙකුට මානව අයිතිවාසිකම්‌ කඩවීමකදී නීතිමය රැකවරණය ලබා ගත හැකි එකම අධිකරණය ශ්‍රේෂ්ඨාධිකරණය බව අපේක්ෂකයින්ට ප්‍රකාශ කළ හැකිය.
විධායක හෝ පරිපාලනමය ක්‍රියාවකින්‌ ඔහුගේ/ඇයගේ අයිතිවාසිකම්‌ උල්ලංඝනය වී ඇති විට හෝ උල්ලංඝනය වීමේ අවදානමකට ලක්ව ඇති විට, පිළියම්‌ සහ වන්දි ඉල්ලා ශ්‍රේෂ්ඨාධිකරණයට පෙත්සමක්‌ ඉදිරිපත්‌ කිරීමට පුද්ගලයෙකුට අයිතියක්‌ ඇති බව ව්‍යවස්ථාවේ දැක්වේ.
17 සහ 126 වගන්ති මගින් මූලික අයිතිවාසිකම්‌ උල්ලංඝනය කිරීම සඳහා කඩිනම්‌ සහ සත්‍ය පිළියම්‌ සැපයීම අරමුණු කර ඇත. ඒ අනුව, පුද්ගලයෙකු අයිතීන්‌ උල්ලංඝනය වීමකදී, මාසයක්‌ ඇතුළත ලිඛිත පෙත්සමක්‌ ශ්‍රේෂ්ඨාධිකරණයට ඉදිරිපත්‌ කළ යුතුය.
(අපේක්ෂකයාට අයිතීන්‌ උල්ලංඝණය වී ඇති පුද්ගලයා විසින් විනා තුන්වන පාර්ශ්වයකට අයිතීන්‌ උල්ලංඝණය වීමක්‌ පිලිබඳ දින 30ක් ඇතුළත පෙත්සමක්‌ ඉදිරිපත්‌ කළ නොහැකි බව පැහැදිලි කළ හැකිය).
ශ්‍රේෂ්ඨාධිකරණ විනිසුරුවරුන්‌ දෙදෙනෙකුගෙන්‌ සැදුම්ලත්‌ විනිසුරු මඩුල්ලක්‌ මෙම පෙත්සම ඉදිරියට ගෙන යාමට අවසර දෙනවාද නැද්ද යන්න තීරණය කළ යුතුයි.
පෙත්සම ඉදිරියට ගෙන යාමට අවසර දෙන්නේ නම්‌, නඩුව විභාග කර මාස දෙකක්‌ ඇතුළත ශ්‍රේෂ්ඨාධිකරණය සිය තීන්ද්‍රව ලබා දිය යුතුය.
ආණ්ඩුක්‍රම ව්‍යවස්ථාවේ 126 වැනි වගන්තිය අනුව, ශ්‍රේෂ්ඨාධිකරණ, එම අයිතිය උල්ලංඝනය වී ඇත්ද, හෝ නැති ද යන්න හෝ පෙත්සම්කරුගේ අයිතිවාසිකම්‌ උල්ලංඝනය වීමේ අවදානමක්‌ තිබේ ද යන්න තීරණය කළ යුතුය.
ශ්‍රී ලාංකීය සන්දර්භය තුළ මූලික අයිතිවාසිකම්‌ නඩු පැවරිම සහ නීතිමය ප්‍රතිකර්ම ලබා ගැනීමේදී ඇති අභියෝග හෝ බාධාවන්‌ ලෙස පහත කරුණු සාකච්ඡා කළ හැක.
මූලික අයිතිවාසිකම්‌ කඩවීම පිලිබඳ නඩුවක්‌ ගොනු කිරීමට ලබා දී ඇති කාල සීමාව ප්‍රමාණවත්‌ නොවන බව.
ශ්‍රේෂ්ඨාධිකරණයේ මූලික අයිතිවාසිකම්‌ නඩු ගොනු කිරිම මිල අධික වන බැවින්‌ මූල්‍ය දුෂ්කරතා හේතුවෙන්‌ සාමාන්‍ය ජනතාව අභියෝගවලට මුහුණ දීම.
අධිකරණ ක්‍රියාපටිපාටියේ දීර්ඝ ප්‍රමාදයන්‌ සිදුවීම සහ තීන්දුව ලබාදීමට වසර ගණනාවක්‌ ගත වීම.
අධිකරණ ක්‍රියාවලියට දේශපාලන මැදිහත්වීම්‌
දූරස්ථ සහ දුෂ්කර ප්‍රදේශවල ජීවත්‌ වන අයට ශ්‍රේෂ්ඨාධිකරණයට ප්‍රවේශ වීම දුෂ්කර ය.
මූලික අයිතිවාසිකම්‌ කඩවීම පිලිබඳ ශ්‍රේෂ්ඨාධිකරණයේ නඩු පැවරිම සම්බන්ධයෙන්‌ දැනුවත්භාවයක්‌ නොමැතිකම
ආයතනික, මානව සහ අනෙකුත්‌ සම්පත්‌ හි හිඟ කම්‌.
සුවිශේෂී අවස්ථා වලදී, අපේක්ෂකයෙකු ඉහත සඳහන්‌ කර ඇති කරුණු ඉක්මවා අධිකරණ කාර්යභාරය සාකච්ඡා කළ හැකිය. යෝජිත නීතිවල ව්‍යවස්ථානුකූලභාවය තීරණය කිරීමේදී ශ්‍රේෂ්ඨාධිකරණයේ කාර්යභාරය, මූලික අයිතිවාසිකම්‌ කඩවීම්‌ සම්බන්ධ නඩු ශ්‍රේෂ්ඨාධිකරණය වෙත ම යොමු කිරිමේදී අභියාචනාධිකරණයේ කාර්යභාරය, සහ ශ්‍රේෂ්ඨාධිකරණය ඔවුන්ගේ තීරණ සහ අර්ථකථන හරහා මූලික අයිතිවාසිකම්‌ පුළුල්‌ කර හෝ ගිවිසුම්ගත කර හෝ ඇති ආකාරය වැනි දෑ නිදසුන්‌ ය.
(එවැනි පිළිතුරු වෙතොත්‌, සම්පූර්ණ ලකුණු වෙන්‌ කරන ලෙස, ලකුණු කිරීමේ පරීක්ෂකවරුන්ට උපදෙස්‌
දෙනු ලැබේ).
නිගමන.
අවසාන වශයෙන්, ශ්‍රී ලංකාව තුළ මූලික අයිතිවාසිකම්‌ ආරක්ෂා කිරීමට ශ්‍රේෂ්ඨාධිකරණය කෙතරම්‌ දුරට කැපවී ඇත්ද යන්න සහ එහි බලපෑම්‌ අපේක්ෂකයින්ට ප්‍රකාශ කළ හැකිය. අන්තර්ජාල ආරක්ෂණ පනත්‌ කෙටුම්පත, ත්‍රස්තවාදය චැළක්වීමේ පනත සහ පළාත්‌ පාලන මැතිවරණය කල්‌ දැමීම යනාදී මූලික අයිතිවාසිකම්‌ පිලිබඳ කාරණා සම්බන්ධයෙන්‌ ශ්‍රේෂ්ඨාධිකරණය විසින් පසුගිය කාලය තුළ ලබා දුන්‌ ඇතැම්‌ තීන්දු සම්බන්ධයෙන්‌ ද අපේක්ෂකයින්ට සාකච්ඡා කළ හැකිය. එසේම බොහෝ අවස්ථාවලදී මූලික අයිතිවාසිකම්‌ කඩ වූවන්ට පෞද්ගලිකව වන්දි ගෙවන ලෙස වග උත්තරකරුවන්ට නියෝග කරන බව ප්‍රකාශ කළ හැකිය.
සබැඳි ලිපි
08Jun
ආගම්
බ්‍රහ්මචාරි අප්සරාවෝ
අප්සරාවෝ යනු ඉන්ද්‍ර දෙව් ලොව වාසය කරන දිව්‍යාංගනාවෝය. අප්සරා යන අරුත දැනවීම සඳහා ඍග් වේදයේ අප්සරස් අප්‍යායෝෂායන ශබ්ද යොදා ගෙන ඇති බව පෙනේ. අප් යනු...
09Jun
Encyclopedia
අශෝක ශිලා ලේඛන
අලහබාද්, රුමින්දෙයි ටැම් ලිපිය, නිගාලිසාගර් ටැම් ලිපිය, බයිරාත් ලිපිය, කෞෂම්බි, සාංචි, සාරානාත්, රූපනාත්(සුළු ගිරි ලිපියකි), බුද්ධගයා කුසිනාරා, දිල්ලිතෝප්‍රා, ධෞලී(සුළු ගිරි ලිපියකි), බබීර(වෛශාලි)ටැම් ලිපිය, රාම්පූර්වා ටැම්...
09Jun
Encyclopedia
කුලුනු
දැව, ගල්, ගඩොල්, ලෝහ ආදී දෙය යොදාගෙන නිර්මාණය කළ ස්තම්භය. සිරස්ව ස්ථාපනය කෙරෙන වාස්තුවිද්‍යාත්මක අංගයකි. උසින් වැඩි හා අඩු කුලුනු විවිධ කාර්යයන් සඳහා යොදාගැනේ. එක්ටැම්...
