ගැටුම් වැළැක්වීම සහ ගැටුම් සමථනය අතර වෙනස්කම්

ගැටුම් වැළැක්වීම සහ ගැටුම් සමථනය අතර වෙනස්කම්

පිළිතුරේ අන්තර්ගත විය යුතු මුලික විෂය කරුණු :

• සංකල්ප දෙක කෙටියෙන් අර්ථ දැක්වීම.
• ඒ දෙකෙහි වෙනස්කම් හඳුනා ගැනීම.
• එම වෙනස්කම් නිදසුන් සහිතව පැහැදිලි කිරීම.

විෂයකරුණු සහ සාකච්ඡාව

1. ගැටුම් වැළැක්වීම සහ ගැටුම් සමථනය යනු ගැටුම් සමඟ ගණුදෙණු කිරීමට ඇති ප්‍රවේශ දෙකකි. ඒ එක් එක් ප්‍රවේශය සතු වූ ඒවාට අයත් වන, අභිමතාර්ථ සහ අභියෝග පවතී.

1. ගැටුම් වැළැක්වීම :

විනාශකාරී ප්‍රතිවිපාක අත්කර දිය හැකි ගැටුම් ඇතිවීම වැළැක්වීම එහි අපේක්‍ෂාවයි. ගැටුමක මුල් අවස්ථාවේ දී එය ව්‍යාප්ත වීම සීමා කිරීම ද තවත් අරමුණකි. එසේම එහි සෘණාත්මක ප්‍රතිවිපාක සීමා කිරීම ද ගැටුම් වැළැක්වීමේ අරමුණකි.

• ගැටුම් සමථනය යනු යනු ගැටුම නැවත ඇතිවීම වැළැක්වීමේ අභිප්‍රාය සහිතව සමථයකට පත්කිරීම ය. එමඟින් ගැටුම අවසානයක් කරා ගෙනයාමට අපේක්‍ෂා කෙරේ.

1. වෙනස්කම්

• ගැටුම් වැළැක්වීම මඟින් අපේක්‍ෂා කරන්නේ ගැටුමක් වර්ධනයවීම සහ එය පරිණත භාවයට පත්වීම වැළැක්වීමට අවශ්‍ය පියවර ගැනීමයි. ඒ සඳහා ගැටුමට බලපෑ හැකි ගැටුමේ හේතු, ස්ථාවරයන් සහ ක්‍රියාමාර්ගයන් හඳුනා ගැනීම අවශ්‍ය වෙයි. සංසන්දනාත්මකව, බලන විට, ගැටුම් සමථනය ප්‍රයෝජනවත් වන්නේ ගැටුම දැනටමත් වර්ධනය වී, පූර්ණ වී පවතින විටදීය, සාකච්ඡාව, මැදිහත්වීම, තෙවන පාර්ශවවල මැදිහත්වීම, සාම ගිවිසුම්, පශ්චාත් ගිවිසුම් ප්‍රතිපත්ති ආදිය එහි දී උපක්‍රම වශයෙන් භාවිතා වෙයි. ගැටුම් වැළැක්වීම සඳහා එවැනි ආකාරයේ ප්‍රතිකර්ම අවශ්‍ය නොවෙයි.