 |
ත්‍රිකුණාමලය රුහුණු රටේ උතුරු මායිම යි. ලෝ ප්‍රකකට ස්වභාවික වරායක් මෙහි වේ. ඉන්දීය සංක්‍රමණික කණ්ඩායමක් වූ භද්දකච්ඡායනා ප්‍රමුඛ පිරිස ගොඩබසිනු ලැබූයේ මෙතැනට යැයි මතයක් තිබේ. මහසෙන් රජු මෙහි ගෝකණ්ණ විහාරය කරවූ බව ද දැක්වේ. 16 වන සියවසේ සිට මේ ස්ථානය හැඳින්වීමට තිරිකුණාමලය යන නම ව්‍යවහාර වූ බව සේනාසම්මත වික්‍රමබාහු රජුගේ ගඩලාදෙණිය සෙල්ලිපිය අනුව පෙනී යයි. ලන්දේසීන්ගෙන් ලංකාවේ මුහුදුබඩ ප්‍රදේශ පැහැරගැනීම සඳහා පෙරදිග ඉන්දීය වෙළඳ සමාගම විසින් කටයුතු කළ අවස්ථාවේ ද පළමුකොට ම අල්ලා ගත්තේ ත්‍රිකුණාමලය යි. පූර්ව පොළොන්නරු යුගයේ චෝළයෝ ත්‍රිකුණාමළය සිය යුධ හා වාණිජ මධ්‍යස්ථානයක් වශයෙන් පවත්වාගත් බවත්, යටතිවිජිත සමයේ නාවික තොටුපළක් වූ බවත්, බෙංගාල බොක්ක අවට මුහුද පාලනය කිරීමට එය කදිම මධ්‍යස්ථානයක් වූ බවත් පැහැදිලි ය. මේ අසන්නයේ ලංකාවේ ප්‍රාග් ඓතිහාසික සාධක ද හමු වේ.
Share with a student
