මහාතිත්ථ

පුරාණ ලංකාවේ වරාය අතරින් වඩාත් ප්‍රසිද්ධ වූයේ මහාතිත්ථය යි. මහවොටි, මහවුටු, මහපුටු, මාන්තෝට්ටම් වැනි නම්වලින් ද හැඳින්වී ඇති මේ වරාය දැනට මාන්තෙයි ලෙස හැඳින්වේ. නොයෙක් රටවලින් පැමිණි නෞකා මෙම තොටුපළේ දී භාණ්ඩ විකිණීම ද හුවමාරුව ද සිදු කර ඇත. ඇතුන්, මුතුමැණික්, කුළු බඩු වැනි දේ මෙ රටින් ගෙන ගොස් ඇත. මහාත්ත්ථයේ සිට අනුරාධපුර අගනුවර දක්වා ප්‍රධාන මාර්ගයක් වැටී තිබීමෙන් ම අනුරාධපුර යුගයේ දී මේ තොටුපළ කෙතරම් වැදගත් වීදැ’යි පෙනෙයි. සේන ගුත්තික, එළාර වැනි ද්‍රවිඩ ආක්‍රමණිකයන් ලංකාවට ගොඩබැස්සේ ද, එළාර රජුට ආධාර පිණිස ආ භල්ලුක යෝධයා දිවයිනට ගොඩබැස්සේ ද මේ වරාය හරහාය.

Share with a student