කොට්ටියාරම/කොටසර/කොට්ඨසාර

ගොකණ්ණ තිත්ථයට පහළින් පිහිටා ඇත. 2වන  ගජබා රජතුමා මහා පරාක්‍රමබාහු හමුදාවන්ගෙන් ආරක්ෂා වීම පිණිස මෙහි සැඟවී සිටි බව ද වාර්ථා වේ. පෘතුගීසි සමයෙන් පසු කොට්ටියාරමට වැඩි වැදගත්කමක් ලැබුණේ බටහිර ප්‍රදේශයේ සියලූ වරායන් පෘතුගීසි, ලන්දේසි ආදීන් විසින් අල්ලාගත් නිසාය. උඩරට රජවරු වෙළඳ හා නාවුක කටයුතු සඳහා යොදා ගත්තේ මඩකලපුව හා කොට්ටියාරමයි. ලන්දේසීන් විසින් අත්තනෝමතික ලෙස අල්ලාගෙන සිටි කොට්ටියාරම 1670 දී දෙවන රාජසිංහ රජු විසින් දැවැන්ත ප්‍රහාරයක් එල්ල කරන ලදී. 1671 වසරේ ඩිලාහේ නමැති ප්‍රංශ නාවුකයා සමග මෙහි ආ ප්‍රංශ නෞකාවක් කොට්ටියාරමෙන් ගොඩබැසි බව ද ඔවුන් කොට්ටියාරමේ ජනපදයක් පිහිටුවා ගැනීමට ගත් උත්සාහයක් ලන්දේසි අභියෝග හමුවේ අසාර්ථක වූ බව ද සඳහන් වේ. ලංකාව පිළිබඳ අගනා කෘතියක් රචනා කළ රොබට් නොක්ස් දෙවන රාජසිංහ රජුගේ ආරක්ෂකයින්ගේ භාරයට පත් වන්නේ මෙතැනට ගොඩබැස නෞකා කුඹය සඳහා සුදුසු උස් ගසක් ලබාගැනීමේ අරමුණෙන් රැඳී සිටියදී ය.

Share with a student

මේ සිතියම ඇතුළු සම්පූර්ණ සිතියම් පොත PDF එකක් ලෙස මෙතැනින් ලබා ගන්න

සම්පූර්ණ ලෝක සිතියම් පොත PDF එකක් ලෙස මෙතැනින් ලබා ගන්න

මේ සිතියම ඇතුළු සා.පෙළ ලංකා සිතියම් පොතේ මුද්‍රිත පිටපතක් මිල දී ගැනීමට මෙතැනින් පිවිස අපට Whatsapp කරන්න