 |
ශ්‍රී ලංකාවේ භූමිය මේ වන විට පෘතුගීසීන් හා උඩරට රජවරුන් අතර බෙදී පැවතුණි. 1619 දී පෘතුගීසීන් යාපනය ද යටත් කරගත් අතර, වත්මන් බස්නාහිර පළාතට සමාන ප්‍රදේශයනකුත් වයඹ පළාතේ කොටසකුත්, දකුණු පළාතේ කොටසකුත් ඔවුන් සතුව පැවතුණි. නමුත් මේ ගෙවී යමින් පැවතියේ ලංකාවේ පෘතුගීසීන්ගේ පාලන සමයේ අපර කොටස යි. 1638 වැන්නේ දී ලන්දේසීන් සමග ගිවිසුමක් මගින් සන්ධාන ගත වූ උඩරට දෙවන රාජසිංහ රජු 1658 වැන්නේ දී ලංකාවේ මුහුදුබට පෘතුගීසි බලය නිමා කිරීමට සමත් විය. නමුත් මෙසේ පෘතුගීසීන්ගෙන් මුදාගත් භූමිය අවාසනාවකට මෙන් උඩරටට ඈඳා ගැනීමට රාජසිංහ රජුට නොහැකි වූයේ එම කොටස් ලන්දේසීන්ගේ ග්‍රහණයට නතු වූ නිසාවෙනි.
Share with a student
