ඍතුසංහාර

මහා කවි කාලිදාසයන් විසින් ගුප්ත යුගයේ දී රචනා කරන ලද කෘතියකි.

පෙරදිග සෞන්දර්යවාදී සංකල්පයට දීර්ඝ ඉතිහාසයක් ඇති බව කාලිදාසයන්ගේ සෘතුසංහාර කාව්‍යය අධ්‍යයනය තුළින් හෙළි වෙයි. මිනිසා හා සොබාදහම අතර පවත්නා අත්‍යන්ත සම්බන්ධය කාලිදාසයන්ගේ ඍතුසංහාර කාව්‍යයෙන් මනා ලෙස පෙනී යයි. ලංකාවට එතරම් තදින් බලපෑම් නැතත් ඍතු භේදය විසින් ලෝකය විටින් විට නැවුම්භාවයට පත්කරයි. ගිම්හාන, වස්සාන , සරත්‌, හේමන්ත, සිසිර, වසන්ත ආදී සෘතු පිළිබඳ කරනු ලබන අපූර්ව හා සෞන්දර්යාත්මක වර්ණනා සෘතුසංහාර කාව්‍යයට පාදක වී තිබේ. අපරදිග සෞන්දර්යවාදී නිර්මාණයන්ට වඩා බොහෝ කලකට පෙර නිර්මාණය වූ මේ පෙරදිග මහා කාව්‍යය රස විඳින්නට ඔබට හැකි නම් එහි ඇති සරල මතුපිට සුන්දරත්වය හා ගැඹුර ද මැනවින් අවබෝධ වනු ඇත.