අං කෙළිය

පැරණි සිංහල ජන ක්‍රීඩාවකි. අංකෙළි පූජාව, අං ඇදීම, අං පොරය ආදී නම් වලින් ද හැඳින්වේ. මෙය පත්තිනි දේවියගේ නමින් පවත්වන ක්‍රීඩා දොළොසින් පළමුවැන්න යි. මල් නෙළීම පිණිස සිය සැමියා වූ පාළඟ ලුරුන් සමග මල් උයනකට ගිය අවස්ථාවේ දෙදෙනාගේ කෙකි එකිනෙක පැටළුණු අතර ඒය බේරාගැනීම සඳහා දෙදෙනා ඇතර ඇති වූ තරගයක් මින් අනුස්මරණය කරන බව  සිංහල විශ්වකෝෂයේ පළමු කාණ්ඩයේ සඳහන් වේ. වසංගත ලෙඩ පැතිරෙණ විට හෝ නියඟ ඇති වූ විට ග්සියන් නියමිත ස්ථානයකට රැස් ව දෙ පිලට ඛෙදී ්පූජා සඳහා කරණ ක්‍රීඩාවක් වශයන් මෙය සුමංගල ශබ්දකෝෂයේ දක්වා තිබේ. මේ ක්‍රීඩාවෙහි දී ගෝණඅං ආදි අං දෙකක් ශක්තිමත් රැහැන් දෙකකින් බැඳ එකක් කැඩෙන තුරු අදිනු ලැබේ. යම් පිලක අග කැඩූනොත් ඒ පිල පරාජිත පිල වේ. තරගයෙන් දිනූ පිල සිය පිලේ අග ගම් මුළුල්ලෙහි කෙළිසෙල්ලම් නැටුම් සහිත පෙරහැරකින් ගෙණ යනු ලැබේ. අංකෙළි උපත නමින් ඇති සිවු පද පොතේ අංකෙළියේ උපත පිළිබඳ විස්තරයක් තිබේ. වැඩිදුර විස්තර පිණිස සිංහල විශ්වකෝෂයේ පළමු කාණ්ඩයේ 10 පිටුව බලනු මැනවි.

ඔබගේ පහසුව පිණිස සංස්කෘතික කටයුතු දෙපාර්තමේන්තුවේ සිංහල විශ්වකෝෂයේ ලිපි සඳහා පිවිසුම් පහතින් දැක්වේ. අදාළ වෙබ් අඩවියේ කාලීන වෙනස්කම් අනුව අදාල දිගුව අක්‍රියව තිබියහැකිය

අංකෙළි උපත පිළිබඳ ලිපිය මෙතැනින් පිවිස කියවන්න 

අංකෙළිය පිළිබඳ ලිපිය මෙතැනින් පිවිස කියවන්න

Ankeliya an keliya අං කෙළිය අං කෙලිය අන් කෙළිය අන් කෙලිය/span>