කෘෂි නිෂ්පාදන සැපයුම කෙරෙහි බලපාන සාධක

කෘෂි නිෂ්පාදන සැපයුම කෙරෙහි බලපාන සාධක පැහැදිලි කරන්න.

කෘෂි නිෂ්පාදන සැපයුම යනු,

• යම්කිසි අවස්ථාවක දී, යම් මිලකට විකිණිම සඳහා වෙළඳපොලට ඉදිරිපත් කර ඇති කෘෂි නිෂ්පාදන ප්‍රමාණයයි.

බලපාන සාධක

• කෘෂි නිෂ්පාදනයේ මිල
• කෘෂි නිෂ්පාදනයේ මිල ඉහළ යන විට, සැපයුම ද ඉහළ යයි. කෘෂි භාණ්ඩ නිෂ්පාදනය සඳහා කාලයක් ගතවන බැවින් පසුගිය කන්නයේ බෝගයක මිල ඉහළ යැම හෝ පහළ යෑම මෙම කන්නයේ සැපයුමට බලපායි.
• නිෂ්පාදනයේ ආදේශක හැකියාව / ආදේශක නිෂ්පාදනවල මිල
• එකම සාධක යොදා නිෂ්පාදන දෙකක් කිරීමට හැකි නම් (උදා: කැරට්, ගෝවා) නිෂ්පාදකයා වැඩි මිලක් සහිත නිෂ්පාදනයට යොමු වේ.
• නිෂ්පාදන තාක්ෂණය / ශිල්පීය ක්‍රම
• නිෂ්පාදනය සඳහා යොදා ගන්නා තාක්ෂණය (උදා : ආරක්‍ෂිත ගෘහ, බිංදු හෝ විසිරි ජල සම්පාදනය) අනුව සැපයුම වෙනස් වේ.
• නිෂ්පාදන සාධකවල මිල
• නිෂ්පාදනය සඳහා අවශ්‍ය සාධක/ යෙදවුම්වල මිල ඉහළ පහළ යෑම අනුව සැපයුම වෙනස් වේ. (උදා : පොහොර සහානාධාරය, කම්කරු හිඟය/ මිල)
• රාජ්‍ය ප්‍රතිපත්ති
• රජය මගින් දෙන විවිධ සහානාධාර හා සහතික මිල ක්‍රමය නිසා කෘෂි නිෂ්පාදන සැපයුම ඉහළ යයි.
• පරිසර සාධක /දේශගුණික සාධක (නියඟය, ගංවතුර)
• වසර 03 ක පමණ කාලයක් මහ කන්නයේ වර්ෂාව අඩුවීම නිසා සහල් සැපයුම අඩු වීම.
• නිෂ්පාදකයින් ගණන හා ඔවුන්ගේ සැපයුම් ප්‍රමාණය
• නිෂ්පාදක ගණන ඉහළ යන විට සැපයුමද ඉහළ යයි.
• පසු අස්වනු තාක්ෂණය
• පසු අසුවනු හානිය අවම කිරීම තුළින් වෙළඳපොළ සැපයුම ඉහළ නැංවිය හැක.
• රෝග හා පළිබෝධ
• උදා : සේනා දළඹුවාගේ හානිය නිසා බඩ ඉරිඟු සැපයුම අඩු වීම
• පෙර අස්වනු තාක්ෂණික ශිල්පීය ක්‍රම
• කෘෂි නිෂ්පාදන මෙමගින් සැපයුම වැඩි කරයි.
• විවිධාංගිකරණය මෙය දෙයාකාරයකින්ම සැපයුමට බලපායී
• නිෂ්පාදකයින්ගේ අනාගත මිල පිළිබඳ අපේක්ෂාව
• උදා : සහල් මෝල් හිමියන් අනාගත මිල ඉහළයාම අපේක්ෂාවෙන් ගබඩා කිරීම
• නිෂ්පාදකයාගේ රුචිකත්වය
• ගොවීන් ඇතැම් කෘෂි නිෂ්පාදන වගා කිරීමට රුචිකමක් දක්වයි. උදා: වී වගාව