දේශගුණික විපර්යාස අභියෝගවලට මුහුණ දීම සඳහා ආරක්‍ෂිත ව්‍යුහ භාවිත කිරීමේ වැදගත්කම

දේශගුණික විපර්යාස අභියෝගවලට මුහුණ දීම සඳහා ආරක්‍ෂිත ව්‍යුහ භාවිත කිරීමේ වැදගත්කම විස්තර කරන්න.

ආරක්ෂිත ව්‍යුහයක් යනු පාංශු හා වායව පරිසර බෝගයකට උචිත අයුරින් පාලනය කරමින් ප්‍රමාණාත්මක හා ගුණාත්මක අස්වැන්නක් ලබා ගැනීම අපේක්‍ෂාවෙන් නිර්මිත ව්‍යුහ වේ.

දේශගුණික විපර්යාස යනු යම් ස්ථානයක දේශගුණයේ දීර්ඝකාලීනව වෙනස් වීම් හා හේතු විරහිතව එහි ප්‍රබල උච්චා වචනයන් සිදු වීමයි.

• උෂ්ණත්ව විචලතා
• පාරිසරික උෂ්ණත්වය ඉතා වැඩිවන විට දී එවැනි ප්‍රදේශ වල ආරක්ෂිත ව්‍යුහ (පොලිතින් උමං) තුළ බෝග වගාවෙන් එම බලපෑම අවම කර ගත හැකිය. එහිදී ආරක්ෂිත ව්‍යුහ තුළ උෂ්ණත්ව පාලනයට උපක්‍රම යෙදිය යුතු වේ.

උදා : කියත් දැති ආකාර වහල, Misters සවි කිරීම

• පරිසර උෂ්ණත්වය ඉතා අඩුවන අවස්ථාවල දී ගෘහය තුළ උෂ්ණත්වය වැඩි කිරීමට උපක්‍රම යෙදීම

උදා : සංවෘත ව්‍යුහ භාවිතය, තාපන දඟර මගින් උෂ්ණත්වය වැඩි කිරීම, ශීතරාමු භාවිතය

• වර්ෂාපතනයේ විචලතා
• අධික වැසි – සංවෘත ව්‍යුහ භාවිතයෙන් පාරිසරික තත්ත්ව පාලනය කොට අස්වනු ලබා ගැනීම
• අකලට වැසි – පොලිතින් උමං, හරිතගාර වැනි ව්‍යුහ තුළ වගා කොට පරාගනයට හා පසු අස්වනුවලට වන හානි පාලනය කර ගැනීම
• දිගු නියං තත්ත්ව – තාවකාලික ප්‍රචාරක ව්‍යුහ, පොලිතීන් ගෘහ, හරිතාගාර තුළ වගා කොට ක්ෂුද්‍ර ජල සම්පාදනය යටතේ අස්වනු ලබා ගැනීම, අධික සුර්ය තාපයෙන් පත්‍ර වලට සිදුවන හානි ද අවම කර ගැනීම.
• අධික තීව්‍ර වැසි මගින් පාංශු ඛාදනය
• ආරක්ෂිත ගෘහ තුළ නිර්පාංශු වගාව සිදු කිරීමෙන් ඉහළ අස්වනු ලබා ගත හැකි වේ.
• උෂ්ණත්වයේ වෙනස්කම් නිසා රෝග/ පළිබෝධ හානි
• පොලිතීන් උමං තුළ බෝග වගාව
• ආරක්ෂිත කෘමි දැල් භාවිතය
• තවාන් පාත්ති ආවරණය
• අහස වළාකුළු වලින් බරව ඇතිවිට ආලෝක තීව්‍රතාවය අඩු වීම
• කෘතිම ආලෝක තත්ත්ව යටතේ ගෘහ තුළ වගාව