1818 බ්‍රිතාන්‍ය විරෝධී අරගලය ආරම්භ වූ ආකාරය

1818 බ්‍රිතාන්‍ය විරෝධී අරගලය ආරම්භ වූ ආකාරය සැකෙවින් දක්වන්න.

• 1815 දී බ්‍රිතාන්‍යයන් විසින් උඩරට අත්පත් කරගැනීමෙන් පසු මුල සිටම ඔවුන් උඩරට දී ගෙනගිය ප්‍රතිපත්තිය කෙරෙහි භික්ෂූන් වහන්සේ, බහුතරයක් රදළ ප්‍රධානීන්

මෙන්ම සාමාන්‍ය ජනතාව තුළද අප්‍රසාදයක් වර්ධනයවෙමින් තිබිණි. මෙම අප්‍රසාදය 1817 අගදී බ්‍රිතාන්‍ය පාලනයට එරෙහි නැගීසිටීමක් දක්වා වර්ධනය විය.

• මෙම නැගී සිටීමට පදනම් වන නොසන්සුන් බව මුලින්ම ඌව-වෙල්ලස්ස ප්‍රදේශයෙන් මතුවන අතර පසුව ඒ ප්‍රදේශ කේන්ද්‍ර කරගෙන සංවිධානයවීමක් දක්නට ලැබිණි (විල්බාවේගේ ආගමනය හා සෙසු නායකයන් ඉදිරිපත්වීම).
• ආසන්නතම හේතුව වශයෙන් සැලකෙන්නේ මඩිගේ බද්ද මුහන්දිරම් තනතුර මුස්ලිම් ජාතිකයෙකු වූ හජ්ජි මරික්කාර්ට පිරිනැමීම හා ඔහුගේ අත්තනෝමතික ක්‍රියාකලාපයයි.
• මෙම අරගලය බ්‍රිතාන්‍යයන්ගේ විශේෂ අවධානයට ලක්වන්නේ නොසන්සුන්තාව මැඩපැවැත්වීමට පිටත් කළ විල්සන්, අරගලකරුවන් විසින් ඝාතනය කළ හෙයිනි.
• මෙම නැගී සිටීම මර්දනයට යවන ලද කැප්පිටිපොළ දිසාවේ බ්‍රිතාන්‍ය විරෝදී ස්තාවරයක් ගනිමින් සටන්කරුවන්ට එක්වීම එහි තීරණාත්මක අවස්ථාවකි.
• මුලදී ඌව-වෙල්ලස්ස ප්‍රදේශයෙන් මතුවුවත් ක්‍රමයෙන් මෙම නැගීසිටීම උඩරට පළාත්වල සැලකිය යුතු ප්‍රදේශයක ව්‍යාප්ත විය.