ප්‍රතිඵල බලලා හරි දේ හරියට කරන්න….

අපි ගොඩක් වෙලාවට විභාග ප්‍රතිඵල තුළින් උද්දාමයට හෝ දැඩි කළකිරීමට පත් වෙනවා.

නමුත් ඔබ දන්නවා ද අදාළ කඩඉමට වඩා ඉහළින් හෝ පහළින් සිටින සැමට ඒ කියන්නේ කට වචනයට අනුව සමත් හෝ අසමත් කියලා කියන සැමට අනාගතයේ උපරිම තෘප්තියෙන් යුතුව, වඩාත් හොඳ රැකියාවක් හෝ ව්‍යාපාරයක් කරලා ඒ තුළින් වඩාත් ආලෝකවත් ජීවිතයක් ගොඩනගා ගතහැකි බව?

නමුත් අපි වැඩි වශයෙන් දකින්නේ රැකියා විරහිත උපාධිධාරීන්, ඩිප්ලෝමාධාරීන්, රජයේ රැකියාවන් ම අපේක්ෂාවෙන් සිටින තරුණ තරුණියන්…..

මේ වගේ  ඔබගේ කාලය නාස්ති කරන්න එපා. හරි ක්‍රමයට හරි දේ කරන්න. වරදින්නේ නෑ. පහත උපදෙස් හොඳින් කියවන්න. ඇත්තට ම මේ සඳහා ඔබ කළ යුත්තේ පොඩි වෙලාවක් අරගෙන මේ උපදෙස් ගැන හොඳින් හිතලා හරියට ම හරි දේ හරි වේලාවට ක්‍රියාත්මක කිරීම පමණයි.

1. විශේෂයෙන් ම ඔබ පළමුව ඔබගේ වෘත්තීය ළැදියාව පිළිබඳ විද්‍යාත්මක පරීක්ෂණයකට මුහුණ දියයුතුයි. (අපගේ වෙබ්අඩවිය හරහා Online ක්‍රමයට හෝ ඔබ දන්නා හඳුනන වෘත්තීය උපදේශකවරයකු මගින් එයට මුහුණ දිය හැකියි.) මේ සඳහා සුළු අයකිරීමක් තිබුණත් තේරුමක් නැති පාඨමාලා සඳහා විශාල වියදමක් දරලා ඒ මුදල හා ඔබේ වටිනා තරුණ කාලය අපතේ හරිනවාට වාඩා දහස් ගුණයක් ලාභදායකයි. මොක ද මේ දිනවල විවිධ පාඨමාලාවලට විශාල ප්‍රචාරණයක් සමග ආකර්ෂණීය මිල ගණන් යටතේ තරුණ තරුණියන් බඳවා ගන්නවා. සමහරු පාඨමාලා තෝරාගන්නේ හුදෙක් ඒ සඳහා ඇති ඉල්ලුම පමණක් ම සලකලා. ඒත් ඒකට මුදල ගෙවලා ආරම්භ කරලා ටික දිනක් යන කොට තේරුම් ගන්නවා ඒ පාඨමාලාව තමන්ට නොගැළපෙන බව. තමන් තුළ ඒ හැකියාව හෝ ළැදියාව නොමැති බව. ඒත් ඒ වෙනකොටත් ඒ වෙනුවෙන් සැලකියයුතු මුදලක් සහ කාලයක් වැය කරලා අවසන්.  ඉතිං ඒ විදිහට නාස්ති කරන්න කාලය හෝ මුදල් අපට නැහැ. ඒ නිසා ළැදියා පරීක්ෂණය මගින් තමන්ට හරියට හරි යන පාඨමාලාව තෝරා ගන්න. ඒ මගින් ඔබට සුදුසු ම පාඨමාලාව කුමක් ද කියලා හරියට ම, විද්‍යාත්මක ක්‍රමයකට තේරුම් ගන්න හැකියි. ඔබ විශ්වවිද්‍යාලයට තේරේවි කියා විශ්වාසයක් තිබෙනවා නම් එහිදීත් මේ පරීක්ෂණය අතිශයින් වටිනවා. විශ්වවිද්‍යාලයෙදි ඔබ කළයුත්තේ කුමක් ද, උපාධිය අතරතුර වර්ධනය කරගතයුතු අතිරේක සුදුසුකම් මොනවා ද කියලා මේ පරීක්ෂණයෙන් දැන  ගන්න පුළුවනි.

මේ සඳහා ඔබට එක් උදාහරණයක් ඉදිරිපත් කරන්නම්. උසස් පෙළ සඳහා ඕනෑම විෂයයන් තුනක්  හදාරා S සාමර්ථ 3ක් ලබාගත් දරුවෙකුට  පුළුවන් විද්‍යාවේදී උපාධියක් සඳහා ඉල්ලුම් කරන්න. (ඕනෑම් විෂයයන් 3කින් හදාරා සමත් වූ දරුවන් සඳහා ඉල්ලුම් කළහැකි තවත් පාඨමාලා ඇත.) ඒ තමයි යෝග සහ පාරමනෝවිද්‍යාව. සමත් සුදුසුකම හෝ z අගය තිබූ පමණින් ඉල්ලුම් කළත් ඔබව ඒ සඳහා තෝරාගනු ලැබුවත් ඔබ එම විෂය හැදෑරීම සඳහා සුදුසුදැයි නොබලා තීරණය ගතහොත් එම පාඨමාලාව හැදෑරීමේදී අපහසුතාවයට පත්වී අසාර්ථක වෙන්න පුළුවන්. මේ උපාධිය විද්‍යාවේදී උපාධියක්. ගැඹුරු කරුණු අවබෝධකරගැනීමට හැකියාව තිබිය යුතුයි. ඒ වගේම ප්‍රායෝගික විෂයයක්. ඉහත පරීක්ෂණයෙන් ඒ හැකියාව තිබේදැයි පරීක්ෂා කරන්නත් පුළුවන්.

තවත් වැදගත් කරුණක් තමයි උසස් පෙළට පසු සමත් වන දරුවන් සම්බන්ධයෙන් තීරණ ගැනීම බාහිර පාර්ශ්වයන් විසින් සිදු කරනුලබනවා. ඒ තම තමන්ගේ පෞද්ගලික අත්දැකීම් අනුව. විශ්වවිද්‍යාලයට වඩා විද්‍යාපීඨ හොඳයි, මේ උපාධිය කරන්න, ඒකට මේ විශ්වවිද්‍යාලය හොඳයි වගේ කාරණා දරුවන්ට කියනවා. ඒත් ඒක දරුවෙක්ගෙ අනාගතය වෙනුවෙන් අයහපත් විදියට බලපාන්න පුළුවන්. මොකද, දරුවන් පිළිගන්නවා ගුරුවරුන් වැඩිහිටියන් කියන දේවල්.  ඒ නිසයි විධිමත් ආකාරයට මේ තීරණ ගතයුත්තේ.

1. ඔබට පුළුවනි අපගේ වෙබ් අඩවියෙන් ඉතා පහසුවෙන් විවිධ පාඨමාලා පිළිබඳ විස්තරත්, ඒ සඳහා අවශ්‍ය අවම සුදුසුකම් ආදියත් හොයා බලන්න. ඒ වගේ ම විශ්වවිද්‍යාල වල විවිධ පාඨමාලා සඳහා පසුගිය වසර වලට අදාළ z අගයන් පවා පහසුවෙන් ම බලා ගන්න පුළුවනි. ඒ සඳහාත් විස්තර පහතින් තියනවා. ඒ තුළින් ඔබට දල අවබෝධයක් ලබා ගන්න පුළුවනි. එවැනි තොරතුරු ලබා ගන්න ඔබට කිසිදු මුදලක් වැය වෙන්නේ නෑ.
2. ලංකාවේ හා ලෝකයේ විවිධ රැකියා ගැන, වැටුප්තල ගැන, නව රැකියා ප්‍රවනතා ගැන නිරන්තරයෙන් අවදියෙන් ඉන්න. ඒ සඳහාත් අපේ වෙබ් අඩවියෙන් සේවා ලබා ගන්න පුළුවනි. ඒ විස්තරත් පහළින් ඇති.
3. ඔබේ හීනය ගොඩනගන්න නම් මේ දේවල් අනුගමනය කරන්න ම ඕනා. නැත්නම් අඳුරේ අතපත ගාලා අනතුරු කරගන්න එපා. ඔබට මේ ලෝකයේ කොතැනක හෝ අනිවාර්යය ඉඩක් තියනවාමයි. ඒක හඳුනාගැනීම තමයි වැදගත් වෙන්නේ. ඉතිං හරියට ම හරි වෙලාවට, හරියටම හරියන පාඨමාලාව තෝරාගෙන හරියයට ම කරන්න. ඔබට නිසැක ජයක් තිබෙනවා.
4. පහතක සේවාවන් සඳහා ඔබ යළි පිවිසීමේදී මේ පුවත ඔස්සේ ම ආයුතු නෑ. ඒ සඳහා කළ යුත්තේ www.eduhelp.lk අපගේ වෙබ් අඩවියට පිවිස ‘අධ්‍යාපන සේවා’ වලට පිවිසීම පමණයි.