හර්ෂවර්ධනගේ මරණයෙන් පසු උතුරු ඉන්දියාවේ ආධිපත්‍ය උදෙසා පැවති අරගලය

හර්ෂවර්ධනගේ මරණයෙන් පසු උතුරු ඉන්දියාවේ ආධිපත්‍ය උදෙසා පැවති අරගලය පරීක්ෂා කරන්න.

• හර්ෂවර්ධන රජුගේ මරණයෙන් පසු උතුරු ඉන්දියාවේ ආධිපත්‍ය උදෙසා ප්‍රධාන වශයෙන් රාජ වංශ තුනක් අතර බල අරගල ඇති වීම. (ත්‍රිකෝණ අරගලය)
• බටහිර ඉන්දියාවේ රාජ පුතානාහි ගුර්ජර් ප්‍රතිහාර, බෙංගාලයේ පාල හා ඩෙකානයේ මහාරාෂ්ට්‍රයේ රාෂ්ට්‍රකූට යන රාජ්‍ය තුන අතර ගැටීම. බටහිර
• හර්ෂවර්ධන රාජ්‍ය සමයේදී උතුරු ඉන්දියාවේ බල කේන්ද්‍රස්ථානය බවට කනෞජය පත්වීම නිසා මේ රාජ්‍යයන් කනෞජයේ ආධිපත්‍යය වෙනුවෙන් යුද්ධ කරන ලද්දේ කනෞජය දිනාගැනීම උතුරු ඉන්දීය දේශපාලන ආධිපත්‍යයේ සංකේතයක් බවට පත්වී තිබීම නිසාය.
• රාෂ්ටකූට පාලක ධ්‍රැව රජු ගුර්ජර ප්‍රතිහාර පාලක වත්සරාජ හා ඔහුගේ සේනාව පරාජය කොට රාජ පුතානා කාන්තාරය දෙසට පලවා හැරීම.
• රාෂ්ටකූට පාලක ධ්‍රැව බෙංගාලය ආක්‍රමණය කොට ධර්මපාල රජු පරාජය කළ ද ධ්‍රැවට හදිසියේ ආපසු යෑමට සිදුවීමෙන් කනෞජය අල්ලාගත් ධර්මපාල රජු ප්‍රතිහාරයන්ට යටත්ව සිටි ඉන්ද්‍රායුධ ඉවත් කොට තමාට අවනත චක්‍රායුධ එහි පාලකයා බවට පත් කිරීම.
• ගුර්ජර ප්‍රතිහාර පාලක දෙවන නාග භට (වත්සරාජගේ පුත්‍රයා) ප්‍රතිහාර බලය නැවතපිහිටු වීමට දැරූ උත්සාහයේදී ධර්මපාල රජු පරාජය කිරිම.
• එහෙත් රාෂ්ටකූට පාලක තුන්වන ගෝවින්ද උතුරු ප්‍රදේශය ආක්‍රමණය කොට නාගහට පරාජය කිරීම සමත් විය. නමුත් ජයග‍්‍රහණය තහවුරු කර ගැනීමට පෙර ගෝවින්ද රජුට ආපසු යෑමට සිදුවීම නිසා ධර්මපාල රජුට වාසිදායක වීම.
• ධර්මපාල රජුගේ පුත් දේවපාල රජු ද උතුරු ඉන්දියාවේ බලය ආරක්ෂා කර ගැනීමට කටයුතු කිරීම.
• ගුර්ජර ප්‍රතිහාර පාලක භෝජ රජු ද සටන් ගෙන යමින් උතුරු ඉන්දියාවේ අධිරාජ්‍ය බලය අල්ලා ගැනීමට ක්‍රියා කිරීම

අවසානයේදී මෙම රාජ්‍ය තුනම දුර්වල වී ඒවායේ බලය වෙනත් කණ්ඩායම් දිනා ගැනීම..